Isinagawa ang panayam sa SAKBAYAN CDC sa gusali ng Devcom noong Miyerkules, Mayo 8. Dumalo dito sina Gean Magbuo at Andrea Jariel.
INTERVIEW GUIDELINES
1. Maaaring gawin ang panayam nang face-to-face o online, depende sa mapag-uusapan ng Tanglaw Editorial Board at nangangandidato.
2. Ang panayam na ito ay ididirekta sa buong partido, at nasa partido ang desisyon kung sino ang sasagot sa kada tanong.
3. Mayroong sampung (10) tanong na saklaw ang mga laganap na isyu sa sa loob ng kolehiyo, at apat (4) na bukod na tanong patungkol sa karakter at mga isyung nakabunton sa pangangandidato ng mga tumatakbo.
4. Bibigyan ang nangangandidato ng dalawang (2) minuto upang sagutin ang bawat tanong.
5. Ang magiging sagot sa panayam ay pinal at hindi na kikilalanin ng pahayagan ang anumang paglilinaw matapos masagot ang isang tanong.
DAPAT MONG MALAMAN
Pindutin ang tanong upang dumiretso sa buong transcript ng naging sagot ng mga kandidato.
General Questions
Ayon sa partido, ipapakita nilang sila ay tumutugon sa mga tungkulin sa kabila ng pagiging bahagi ng iba pang organisasyon sa pamamagitan ng pagiging aktibo sa mga group chat. Gayundin, sila ay makikilahok pa rin sa mga klase at sa mga aktibidad dito, gaya ng groupings.
Dagdag nila, ang pagiging bahagi nila ng iba pang organisasyon ay hindi nagpapabigat sa kanilang responsibilidad, bagkus ay nagbibigay lubog sa kanila sa mga danas ng estudyante.
Gagamitin ng partido ang pagsusulong sa Students’ Agenda and General List of Demands bilang komprehensibong suri sa pangangailangan ng mga mag-aaral. Magkakaroon din sila ng konsultasyon sa mga organisasyon. Bukod pa ito sa pakikipagugnayan sa mga batch sa pamamagitan ng mga batch group chat at iba pang social media.
Nabanggit din ng SAKBAYAN pagtutuunan nila ang pagdinig sa mga grievances sa programa ng ASDC at ang pagdirekta nito sa admin sa mga executive meeting.
Itinuturing ng partidong hadlang sa pang-akademikong kalayaan ang kahirapan sa pagre-revise sa Plan of Study ng mga mag-aaral. Iminumungkahi nila ang konsultasyon sa pagitan ng OCS at mga estudyante upang ito ay maisaayos. Tinukoy din nila bilang balakid ang kakulangan ng kolehiyo sa pasilidad at kagamitan para sa produksyon.
Nilinaw nila na hindi nila tinatanaw ang CDC admin bilang kaaway sapagkat nakikita rin nila ang kakulangan sa tao ng OCS upang makatugon sa dami ng mga request na mag-revise ng POS. Batid din nila ang kakulangan sa pondo para sa pasilidad ng kolehiyo kaya’t system-wide ang hinihingi nilang tugon dito imbis na sa lebel ng kolehiyo.
Q: Ano ang mga pina-prayoridad na panawagan ng inyong partido sa inyong pangangampanya?
Ayon sa partido, pangunahin sa kanilang kampanya ang kontra-Charter Change na niraratsada ang kontra-tiraniya at kontra-karahasan para sa tunay at malayang pamantasan. Sa antas ng kolehiyo, kanilang ipinapanawagan ang academic freedom, kalayaan sa pamamahayag, at pagpapalawak sa isang ligtas at inklusibong espasyo sa loob ng ating pamantasan.
Kinikilala ng partido ang kakulangan sa bilang ng mga miyembro ng kasalukuyang konseho at naniniwala silang ginawa nito ang kanilang makakakaya sa kabila ng limitasyon sa manpower.
Nais naman nilang panatilihin ang mga inisyatibo nito na nakapagpagaan sa diwa ng mga estudyante, gaya ng pagbubukas ng pantry.
Ayon sa SAKBAYAN, mahalaga ang student publication sa pagkatatag ng demokrasya sa loob at labas ng pamantasan. Anila, nakatuon din ang isyung ito sa usapin ng Academic Freedom. Sila ay nakikiisa sa ‘pagpapanawagan na magkaroon ng kalayaan ang bawat isang kolehiyo na magtatag ng sariling student publication.
Naniniwala ang partido na, sa kasalukuyang lagay ng lipunan, gampanin ng mga Development Communicators ang magpaingay sa mga panawagan ng mga sektor ng lipunan, lalo na ang kontra-Charter Change, pati na rin Press Freedom at Academic Freedom. Nanawagan sila sa sa mga Development Communicators na maging manggagawa ng media para sa kaunlaran sa pamamagitan ng pagbitbit ng panawagan ng masa.
Ayon sa SAKBAYAN, mandato ng konseho ang pagtratrabaho sa burokrasya upang maisulong ang totoong panawagan ng sangka-estudyantehan. Kabilang dito ang paggawa ng resolusyon, pakikiisa sa admin, pakikilahok sa mga diyalogo, at pakikipagusap sa mga pormal na opisina para sa mga kinakaharap nilang issue Binanggit din nila ang pagbabahagi ng mga alert pub at mga pahayag kaugnay ng red letter dates upang mapataas ang pakikibahagi ng mga mag-aaral sa mga politikal na diskurso.
Ang nakikita nilang papel ng Student Council sa pagpapanatili ng interes ng mga mag-aaral na maglingkod bilang lider-estudyante ay ang pagiging aktibo mismo sa pagganap sa kanilang tungkulin upang maka-”inspire” ng mga kapwa-estudyante na tumakbo rin. Bukod dito, kinikilala ng partido na may iba’t ibang uri ng pakikiambag ang mga mag-aaral na labas sa pagiging parte ng konseho. Halimbawa raw nito ang pagsali sa mga academic organization at sa mga aktibidad nitong nakatuon sa pagseserbisyo sa mga komunidad.
Ikinalulungot ng partido ang pagkakaroon ng dibisyon sa pagitan ng mga mag-aaral ng ASDC at BSDC. Anila, ito ay manipestasyon ng diskriminasyon sa pagtamasa ng mga estudyante sa karapatan nila sa de-kalidad na edukasyon. Naniniwala silang buhat ito ng pagiging neoliberal ng ating sistema ng edukasyon sa bansa. Magaganap daw ang pagbubuklod ng dalawa kung magkakaroon ang mag-aaral ng pag-unawa na pare-pareho lamang tayong apektado ng krisis sa edukasyon. Intindihan daw ang isa sa mga sagot dito.
Party-specific Questions
Sinisigurado ng partido na ang panawagang bitbit nila ay mula sa malawak na konsultasyon sa mga lider-estudyante at estudyante ng pamantasan, at sa mga komunidad na nakapalibot dito. Bitbit daw ng kanilang pagtakbo ang mga danas at panawagan ng constituents na mula sa mga datos na nakukuha nila sa mga konsultasyon at basic mass integration sa bawat sektor, kabilang na ang komunidad ng Devcom.
Ayon sa partido, bahagi ng kanilang GPOA ang mabilis na pakikipag-ugnayan sa admin at mga kaugnay na opisina. Isinusulong nila ang pagkakaroon ng pamamaraan upang maidirekta ang mga concern ng mga mag-aaral sa admin. Isinusulong nila ang pag-review sa mga regulasyon ukol sa mga kakailanganing papeles sa paghiram ng mga kagamitan ng kolehiyo. Tinitingnan din nila ang pakikipag-ugnayan sa mga mag-aaral sa pamamagitan ng batch representatives.
Kinikilala ng SAKBAYAN ang kakulangan sa pagpapatakbo sa eleksyon ng pamantasan. Anila, bukas sila sa lahat ng may kagustuhan na tumakbo na nais maging bahagi ng kanilang partido. Nirerespeto naman nila ang mga independent na kandidato. Hindi naman daw nagkakaiba ang panawagang bitbit ng mga tumatakbo.
Q: Kung sakaling kayo ay hindi palarin, paano kayo magsisilbing watchdog ng mauupong partido?
Kung hindi man daw sila palarin na maluklok sa pwesto ay mananatili naman sila, bilang indibidwal at partido, na aktibong nakikibahagi sa komunidad na kinabibilangan. Aktibo naman daw ang SAKBAYAN sa mga student movement sa loob at labas ng pamantasan, eleksyon man o hindi. Makikiisa pa rin daw sila sa pamamagitan ng pagpapaabot ng suhestyon at pagpupuna.
TRANSCRIPT NG PANAYAM
GENERAL QUESTIONS
TANGLAW: Batid namin na aktibo kayo sa iba’t ibang mga organisasyon at kasabay rin nito ang ating responsibilidad bilang mga estudyante. Paano matitiyak ng mga mag-aaral ng Devcom na magagampanan ninyo ang inyong tungkulin sa konseho?
JARIEL: So, tingin ko po matitiyak nila na nagagampanan namin ‘yung tungkulin namin in a way na makikita nilang aktibo kami sa GCs [group chat] and at the same time, aktibo kami sa academic like hindi kami ’yung… parang nagpaparticipate pa rin kami in case na may grouping or sa mismong klase, umaattend sa classes, and the same time po siguro ay dahil nga meron kaming parang other org-related [organization-related] ano. D’on na, na parang nahasa kami na kung paano magmanage ng time namin in that way.
MAGBUO: Ako naman, dapat parang dagdag na rin d’on kasi ‘yung mga organisasyon na kinabibilangan namin ay nagrerepresenta rin naman sa mga danas ng mga estudyante dito sa UPLB. Hindi siya kumabaga…ito’y hindi nagpapabigat dun sa responsibilidad but rather ay nagbibigay pa nga ng mas malinaw na…kumbaga kasi ‘yung organizations, nagbibigay lubog siya sa amin sa kung paanong ‘yung mga estudyante ay may ganitong danas at ‘tong mga organisasyon na ito ay may ganitong initiatives kumbaga, at lagi naman syempre, estudyante muna kami bago maging isang lider-estudyante. So, ayon gaya lang din ng mga kaklase namin, ng mga constituents sa CDC, syempre palagi namang priority ‘yung pang-akademiko pero syempre kung talagang gusto nga nating mai-prioritize ng bawat isang estudyante…kasi isa rin ‘yung… kasi isa rin ‘yun sa dahilan ng aming pagktakbo na para magkaroon ng mas magaan na pang-akademikong load ang mga bawat estudyante, at ‘yun ‘yung isa…parang hindi mo siya… hindi na… hindi na dapat tanong na paano niyo sasabihin na kayo’y… kayo ay visible sa gan’to, ganyan kasi kaya nga kami tumatakbo dahil alam namin ‘yung danas ng kapwa-estudyante bilang estudyante.
Pindutin ito para bumalik sa mga tanong.
TANGLAW: Paano niyo masisiguro na magkakaroon ng sapat na representasyon ang mga estudyante sa pagdedesisyon ng UPLB o CDC administration?
MAGBUO: Bilang kabahagi na rin po ng konseho sa nagdaang taon, isa po talaga sa ni-u-utilize na paraan ng Student Council ay yung pagfoforward ng SAGD o ‘yung Students’ Agenda and General List of Demands. Ito po ay isang komprehensibong suri at syempre, parang ito ay isang inisyatibo ng konseho pero dapat syempre ay hand-in-hand pa rin naman na kahit magkaroon ng ganitong inititiative, kung walang sasagot ay bale wala rin ‘yung, kumbaga, ganitong initiative ng konseho para magkaroon tayo ng genuine student representation. So, dapat as Devcom practicioners na-orient naman na tayo dapat na sa participatory approach tayo ng development lagi’t lagi. So, isa doon ay sa SAGD and then pangalawa ay ‘yung consultation sa mga student organizations and sa mga batch kasi hindi naman lahat ng estudyante, may home org [organization]. Ako mismo ay walang home org sa Devcom. So, isa pa dito ay ‘yung consultation sa mga batch…sa mga batch GCs. ‘Yung mga pagpapapoll [Facebook Messenger poll], ‘yung mga simpleng pag-abot sa mga pinaka-accessible na platforms sa mga estudyante, ‘di lang basta sa Google Form but ‘yung sa messenger kasi mas madaling cumonnect at umugnay sa ating mga kapwa estudyante sa ganoong uri ng komunikasyon. So, mas madalas nating i-u-utilize ‘yung mga ganoong platform or ‘yung mga social media platform and…’yung ano rin… bigyang diin din natin na isa pa sa student representation na kailangan nating pagtuunan ng pansin ay ‘yung ASDC program kasi ito ay parang naguumpisa pa lang ‘yung batch. So, ito… malaking… malaki rin ‘yung mga kailangang adjustments, not only of the students but with the admin [UPLB administration]. So, ito ay…as someone na galing talaga sa ASDC rin as myself ay ito ay direkta nating maiuugnay… ‘yung mga grievances na ito ay direkta nating maiuugnay sa ating admin in every executive meeting na mapapatawag na syempre and’on naman tayo. Uupuan natin.
Pindutin ito para bumalik sa mga tanong.
TANGLAW: Ano ang nakikita ninyong isyu sa kolehiyo na humahadlang sa pang-akademikong kalayaan at paano ninyo ito matutugunan?
JARIEL: Kanina lamang po nagkar’on ng meeting ‘yung mga student-leaders. Napagusapan namin ‘yung mga isyung kinakaharap ng mga Devcom students. Isa na d’on po siguro ‘yung sa POS [Plan of Study], ‘yung sa pagkakaroon ng revisions, lalo na, first year pa lang pinapadecide na ;yung mga estudyante and syempre pagdating ng other years most likely, siguro magbago ‘yung gusto nating mga career path. Ayun ‘yung isa kong nakikitang hadlang. Hindi natutugan daw…nga daw po siya, ayon sa OCS [Office of the College Secretary], ay ‘yung pagiging mas lenient nila, lalo na sa mga pandemic batch kasi d’on daw ‘yung iba ‘yung curriculum. And ayun, magkakaroon sila ng reviews and consultation sa mga students. Tingin ko maganda ‘yung pagtuunan, ‘yung consultations. Other problems po siguro ay ‘yung sa kakulangan ng facilities and equipments lalo na sa paggamit ng camera and d’on sa radio booth. And medyo mahirap siyang tugunan in a level na tao kasi mas dapat tugunan siya ng admin lalo na sa pagkakaroon ng…kung panibago mang radio booth, ayun. And ‘yung equipments nga na kung maari siguro ay magkaroon tayo ng sistema.
MAGBUO: Dagdag na lang din ‘yung sa admin, ano, paglilinaw na hindi natin sila tinatanaw bilang kaaway/ Bagkus kaya rin naman may ganoong hindi pagiging lenient sa POS kasi hindi… kasi kakulangan din sa tao nila sa OCS. Iilan lang naman silang tao, ta’s iilang estudyante ‘yung gustong magparevise. So, dapat din kasi tinitugunan… ‘yung pang-akademikong kalayaan, hindi lang naman estudyante ‘yung meron. ‘Yung faculty din natin ay meron din sila n’on, na dapat tinatamasa nila ‘yung… ‘yung same… ‘yung same na…tawag dito? ‘Yung benepisyo na nararapat kasi hindi naman mangyayari ‘yung ganoong uri ng kakulangan sa…sa…tawag dito? Basta ‘yun. Hindi naman magkakaroon ng ganoong problema sa POS revision, sa kakulangan sa facilities kung sapat ‘yung nilalaan na pondo, kung sapat ‘yung tinutugon ng admin not on the college level but on the system-wide level.
Pindutin ito para bumalik sa mga tanong.
TANGLAW: Ano ang mga pina-prayoridad na panawagan ng inyong partido sa inyong pangangampanya?
JARIEL: Pinaka-pangunahing isinusulong ng aming partido nga is ‘yung kontra-Charter Change naman na niraratsada ‘yung sa kontra-tiraniya and ‘yung kontra-karahasan para magkaroon tayo ng malayang pamantasan, ng tunay at malayang pamantasan.
MAGBUO: So, ang pinakabitbit na kampanya sa ngayon ng …ng partidong SAKBAYAN, hindi lang po CDC-level, on the university level, ay ‘yung pagsulong ng makamasa at tunay na malayang pamantasan kontra-charter change, tiraniya at karahasan hindi dahil sa… kasi ito ay manipestasyon na kung ano ‘yung nararanasan natin bilang isang isang estudyante sa loob ng unibersidad ay nakakabit siya sa kung ano ‘yung lagay ng lipunan. So ayun, pinakapangunahing panawagan na bitbit kung sa local college level ay academic freedom, like lagi’t lagi naman. And syempre, ‘yung kalayaan sa pamamahayag lalo na alam naman natin ‘yung isyu ng CEM recently about their student publication. And syempre, ‘yung mas inclusive din, kasi recently diba nagkaroon ng issue about d’on sa paggamit ng mga dead names ng estudyante sa pagpost d’on sa kanilang like supposedly ikaw ay ino-honor pero at the same time para kang…ano. So, ayon isa pa y’un, ‘yung pagpapalawak natin sa isang ligtas at inklusibong espasyo sa loob ng ating pamantasan.
JARIEL: lalo na yung sa charter change din kasi malaki talaga ‘yung magiging epekto nito hindi lang sa college natin kundi sa university….university-wide. So ayun, mas lalong magigipit ‘yung academic freedom natin kasi kapag nasulong ‘yung charter change lalo na yung sa 100% foreign ownership.
Pindutin ito para bumalik sa mga tanong.
TANGLAW: Kung may pananatilihin o babaguhin kayo sa naging pamamalakad ng kasalukuyang Student Council, anu-ano ito at bakit?
MAGBUO: Unang una, ‘no? Dapat ugatin natin ‘yung problema na i-recognize natin na ‘yung nagdaang administrasyon ng CDC SC [Student Council] ay kakaunti. Wala pa sila sa… ‘di pa nga nila nameet yung minimum, kumbaga, na requirement na number of officer at gayunn din ‘yung sa ngayon, ‘yung sa kasalukuyang patakbo. Kung meron mang pagkukulang, it’s for the constituent to decide what are those kasi hindi naman pwedeng sabihin na…kasi we can say that the administration did their best kasi nga ‘yun lang y’ung manpower na meron sila. ‘Yun lang ‘yung…tawag don? ‘Yun lang ‘yung… Kumbaga, ito ‘yung kakayahan ng lahat ng naibuhos ng mga bumubuo sa konseho sa administrasyon ng time na ‘yun.
JARIEL: Panatilihin ‘yung mga magaganda nilang nagawa tulad nung sa pantry kasi naging malaki talaga ‘yung tulong n’on sa pag-uplift ng diwa ng mga estudyante.
MAGBUO: Siguro pwede ring ano… ‘yung kakulangan sa tao ng nagdaang administrasyon ay manipestasyon siya ng mas lumalala at mas bulok na sistema ng edukasyon natin hindi lang sa college level but in the univ-leve [university-level]l kasi bakit ba kakaunti, kakarampot ‘yung student-leader na tumatakbo? Kasi nabuburden na sila doon sa acad [academic] load na kahit meroon kang kagustuhan na magsilibi, meroon ka rin namang sarili na kailangan mong iprioritize, na dapat patambulin na…pataasin natin ‘yung politikal na pangingielam o ‘yung politikal na consideration at pakikiisa ng mga estudyante. Hindi lang ‘to sa CDC but rather in the univ-level.
Pindutin ito para bumalik sa mga tanong.
TANGLAW: Bilang mga development communicators, ano ang pagtingin ng inyong partido sa press freedom? Sa lebel ng ating kolehiyo, ano ang nakikita ninyong relasyon ng Student Council at ng bagong-tatag na Tanglaw?
MAGBUO: Ang papel ng mga publikasyon pang-estudyante man o ‘yung sa national level, hindi namin maitatanggi na hindi lang dapat sa CDC, tinatanaw dapat natin ‘yung kahalagahan ng mga publikasyon, lalo ng mga student publication sa pagkatatag ng demokrasya inside and even outside the campus. Gaya nung nakaraang GASC [General Assembly of Student Councils], isa talaga sa mga isinusulong at pinipilit ipanawagan ng CDC SC ay ‘yung pag-iinstitutionalize ng Tanglaw. Ito ay taunang laban at isa din naman sa mga talagang tinututukan ng Student Council ay ‘yung pagi-institutionalize ng Tanglaw kasi bilang Development Communicators dapat alam natin, kahit man lang sa college level, kung gaano kaimportante ‘yung malayang pamamahayag para bilang tunay na esensyal. Kasi itong kalayaan sa pamamahayag ay nagbubuild din naman sa kung ano ‘yung meron tayong kalayaang pang-akademiko, na kaya merong ganitong restrictions, na kaya merong mga ganitong harang ay dahil doon pa rin sa mga kinakaharap natin na isyu sa academic freedom. Kaya patuloy ‘yung pag-lalaban natin dito—resolusyon man ‘yan, system-wide level man ‘yan, sa lansangan man ‘yan, sa lahat ng uri ng pamamaraan na talagang isulong ‘yung malayang pamamahayag, hindi lang sa college level pero nakikiisa rin tayo gaya ng nangyari sa CEM. Isa rin ‘yun sa talagang…nakikiisa ‘yung SAKBAYAN sa pagpapanawagan na magkaroon ng karapatan, ng kalayaan ang bawat isang kolehiyo para magkaroon ng kanilang sariling student publication.
Pindutin ito para bumalik sa mga tanong.
TANGLAW: Sa kasalukuyang kalagayan ng ating lipunan, ano ang nakikita ng inyong partido na papel nating mga development communicators?
JARIEL: Sa kasalukuyang lagay ng lipunan natin, ang nakikita kong role ng mga Development Communicators ay mas lalo pang paingayin ‘yung mga panawagan ng sektor ng lipunan, lalo na nga ‘yung sa kontra-charter change and yung sa press Freedom and sa Academic Freedom. Ayun, mas lalo pa tayong makielam at lumubog sa masa
MAGBUO: Tapos kaya niya nasabi kanina na since ang laban nga natin sa loob ng pamantasan ay lagi’t laging nakatali sa kinakaharap na lagay ng lipunan, sa kung ano man ‘yung karanasan ng masang ating pinagsisilbihan, syempre. Bilang mga Development Communicators at eto rin naman ay inaaral natin sa ating curriculum, kung ano ‘yung panawagan na bitbit ng masang api, kung ano ‘yung panawagan na bitbit ng sektor, ‘yun ‘yung hindi lang siya basta binibitbit. Bagkus, pinagaaralan at talagang binibigay natin ‘yung lahat para… para makalubog at makasangkot, kumbaga. Kung ano ‘yung hirap ng mga… kung ano ‘yung hirap na danas ng manggagawa ng media sa labas ng pamantasan ay ganoon din ‘yung pagpapatambol natin sa lahat ng sektor ng lipunan dito sa loob ng ating campus. Kasi nasa atin ‘yung pribilehiyo, nasa atin ‘yung platform, nasa atin ‘yung kakayahan, nasa atin ‘yung oras, nasa atin ‘yung lakas. Bilang mga tayo ‘yung nasa kolehiyo, tayo ‘yung, kumabaga, tayo ‘yung kabataan pa. Tayo bilang development communicator, maging tunay tayo sa mandato natin bilang manggawa para sa kaunlaran, manggagawa ng media para sa kaunlaran.
JARIEL: Ayun siguro, parang di ba nga sinasabi na cathalyst for social change?
Pindutin ito para bumalik sa mga tanong.
TANGLAW: Paano magiging daan ang inyong konseho para maisulong ang mga panawagan ng mga mamamayan at batayang sektor na ating pinaglilingkuran?
MAGBUO: Bilang isang konseho, ano unang unang mandato natin ay ‘yung tayo ‘yung nagtratrabaho sa burokrasya para makapagforward ng kung ano ba ‘yung totoong panawagan ng sangka-estudyantehan na syempre ay lagi’t laging nakakakabit sa kung ano talaga ‘yung lagay ng lipunan na ating ginagalawan. And syempre, ‘yung konseho natin magiging daan siya hindi lang sa papel kundi dadalhin natin ‘yung panawagan na ‘to sa lansangan, sa protesta, at syempre sa pinakamandato ng konseho—gumawa ng resolusyon, makiisa sa admin, makiisa sa mga diyalogo, makipag-usap sa mga pormal na opisina concerning these issues. kumbaga. Siguro, dagdag na lang din kanina ‘yung pagpapataas ng politikal na participation ng mga students, ano? Isa ‘yun sa pinakamalaking nagagawa rin naman kasi ng konseho ay ‘yung pagrerelease ng mga alert pub [publication] at red letter dates statements, at isa ‘yun sa mga pinaka-kumbaga… pinaka-accessible na way para mapataas natin ‘yung student participation sa political discourse. Doon sa social media, doon sa simpleng pag-abot natin sa estudyante kasi itong mga estudyanteng ito ay hindi naman sila dahil lang sa ayaw nila kaya hindi sila nakikielam sa ganitong issue. Kadalasan ay mayroon mga times talaga na, bilang isang estudyante, may personal silang contradiction. May personal silang kailangan igpawan. Isang malaking tulong doon ng konseho ay ‘yung pagiging boses o pagiging plataporma pagbibigay-plataporma sa kung ano ba yung panawagan ng mga estudyante sa kung ano ‘yung nangyayari sa lipunan.
Pindutin ito para bumalik sa mga tanong.
TANGLAW: Ano ang nakikita niyong papel ng Student Council sa pagpapanatili ng interes ng mga mag-aaral na maglingkod bilang lider-estudyante?
JARIEL: Siguro ang nakikita kong way ay us mismo ay maging active and talagang gampanan ‘yung role namin as student-leaders kasi at some point kasi naiinspire ‘yung mga students parang ako…naiinspire ako sa other kapwa ko student.
MAGBUO: Ang pagtingin dito ng SAKBAYAN ay ‘yung bawat estudyante naman ay mayroon silang participation hindi lang sila directly sa konseho, hindi lang sila directly sa NDMOs, kasi nageexist ‘yung mga Devcom orgs. Nageexist ‘yung mga academic organizations. That itself is a manifestation of student leadership. Kumbaga, imbis na tingnan natin sila bilang, kumbaga, imulat o kailangan bigyan ng impormasyon kasi sila ay mayroon kaalaman at sila ay mayroong kamulatan. Kailangan nating irecognize kung ano ba ‘yung mga ambag o ano ba yung movement na pinoprovide nung mga paglilingkod na binibigay nila sa ibang avenue. Gaya nung, halimbawa, ‘yung CombroadSoc [UP Community Broadcasters’ Society] mayroon silang other way of serving the community. ‘Yung Devcom Soc [UPLB Development Communicators’ Society] at ‘yung ADS [UP Alliance of Development Communication Students] ganoon din. Meroon silang other way of serving the community. Kung gayon, dapat irecognize natin ito at sa halip na mas tingnan natin sila as kailangang maging hamig, but rather ay magkaroon tayo ng partnerships with them instead of being… kasi napakapanget pakinggan nung kailan mo silang mulatin, hamigin, where in fact, itong mga estudyanteng ito ay matatalino kaya ang kailangan talaga kung anong avenue ‘yung kaya nilang magambag kasi hindi naman pwedeng tinitingnan natin ‘yung avenue ng student leadership sa isang perspektibo.
Pindutin ito para bumalik sa mga tanong.
TANGLAW: Sa mga usap-usapan ng dibisyon mula sa ASDC at BSDC, sa papaanong paraan ninyo mapagbubuklod ang sangkaestudyantehan ng ating kolehiyo? Paano ninyo maaalis ang kaisipang ito mula sa ilang mga DevCom constituents?
MAGBUO: ‘Yung issue na meroong divide between ASCD and BSDC students ay nakakalungkot kasi ito manipestasyon na ‘yung karapatan dapat ng isang estudyante sa isang de-kalidad na edukasyon ay nagkakaroon pa ng napakaraming, halimbawa, kaya lang naman merong diskriminasyon kasi sa isang neoliberal na sistema ng edukasyon sa Pilipinas kailangan mong patunayan na lagi kang ikaw ay mas magaling, ikaw ay mas deserving, ikaw ay mas ganito, mas ganyan para lang makatamas ka ng de-kalidad na edukasyon where in fact bawat estudyante, bawat mamamayang Pilipino ay may karapatan dapat sa makamasa, siyentipiko, at …ano ‘yung isa? [puwang] NSMO, basically—nationalist, scientific, and mass-oriented education. Dapat pala inenglish ko na lang. Ayun, pero ayun parang itong divide na ‘to ay clearly isa siyang manifestation na tayo ay pinagbabangga ng isang sistema na dapat naman ay binibigay ‘yung karapatan natin bilang isang estudyante sa isang quality education dahil ang edukasyon ay karapatan at hindi siya dapat mageexist. Ngayon, ‘yung pagbubuklod na ito ay magaganap kung magkakaroon tayo ng realization na tayo ay mayroong iisang hiniharap na problema at ito ay krisis sa edukasyon, na itong divide na ito ay hindi naman siya mageexist kung walang krisis sa edukasyon, kung hindi kulang ‘yung pasilidad, kung hindi mo kailangan makipagawan ng units. Ito ay hindi mageexist kung wala ‘yung mas malaki pang sistema na sumasaklaw sa edukasyon na nakakamit natin bilang isang Pilipino.
JARIEL: In a way na iintindihin natin ang isa’t isa. Pare-pareho lang naman ang gusto natin, ang hangarin natin as Development Communicators.
MAGBUO: Pangarap lang naman natin ay makakuha ng edukasyon pero dahil nga doon sa system na ‘yun, napipilitan tayong magcompete.
Pindutin ito para bumalik sa mga tanong.
PARTY-SPECIFIC QUESTIONS
TANGLAW: Paano masisiguro ng mga mag-aaral na ang inyong pangunahing mandato at isusulong na interes ay manggagaling sa inyong Devcom constituents?
MAGBUO: So’ yung mga panawagan naman na bitbit ng SAKBAYAN, ito ay hindi naman hinugot sa hangin. Ito ay mula sa malawak na konsultasyon, ‘di lamang sa mga lider-estudyante at estudyante sa loob ng pamantasan, bagkus sa labas din at sa mga komunidad na sumo-surround sa atin. Ngayon, isa pa, bilang isang… bago pa man kami maging kabahagi ng partido, unang una sa lahat kami ay estudyante, mag-aaral ng Devcom. So, kung meron man tayong interes na bibitbitin sa ating pagtakbo at sa ating panunungkulan sa konseho ito ay syempre kung ano ‘yung danas ng constituents at kung ano yung panawagan ng constituents dahil isa rin naman sa mga paraan ng SAKBAYAN para sa pagkalap ng kanilang mga panawagan ay una, ‘yung pagcocollect ng data sa kung ano ba…kumabaga nagkakaroon ng consultation, basic mass integration sa bawat sektor at kasama doon ‘yung komunidad ng Devcom, ano? So, mae-ensure natin na kasama talaga sa panawagan na bitbit ng SAKBAYAN ‘yung devcom constituents kasi ito ay panawagan hindi lang natin bilang mga mag-aaral but tayo bilang isang mamamayan.
JARIEL: FGDs…
Pindutin ito para bumalik sa mga tanong.
TANGLAW: Sa pagkaburukrasiya ng mga proseso ng pamantasan pagdating sa mga pangangailangan ng mga estudyante, paano ninyo ito masosolusyunan lalo na’t kung agaran ang pangangailangan?
MAGBUO: So isa po sa mga pinaplano namin sa aming GPOA [General Plan of Actions] is ‘yung una, ‘yung mabilis na pakikipagugnayan natin not only sa admin, but rather ay sa bawat opisina na concerned. Halimbawa, kung anong opisina ba ‘yung concerned sa facilities, sa studios. Ito po ay kumabaga hawak dapat ng… kumabaga meron tayong channel at ‘yung council mismo yung magsasabing channel natin to direct the concern sa admin at ito ay isa rin naman sa tinitingnan ay ‘yung pagrereview kumbaga ng ating mga rules and regulations sa kung ano ‘yung mga…yung mga kakailanganing papeles. Isa rin yon sa mga pwede nating maging hakbang. At nakalagay ito sa aming GPOA, na maaari siyang maging hakbang kasi kumbaga magkakaroon ng review sa kung ano ba ‘yung… paano ba gumagana ‘yung ganitong sistema? Paano ka ba dapat magpareserve ng, halimbawa, ng facilities o ng studio? Ito dapat ay nirereview natin lalo na dahil bawat taon ay nagbabago kung ano ‘yung pangangailangan din ng estudyante so dapat ito rin ay nirereview nang naaayon sa konteksto, ng naaayon sa kalagayan ng bawat estudyante na nagdadaan sa ating kolehiyo. So ayun, dapat nating ipanukala ‘yung…ireview yung rules and regulations at ‘yung direktang pakikipagugnayan at pakikipagusap nila sa Student Councils at kung meroon man, at kung makakakalap man tayo ay ng mga direct batch representatives sa ating mga constituents.
Pindutin ito para bumalik sa mga tanong.
TANGLAW: Sa pananaw ng partido, sapat na ba na ang isang councilor lamang ang mahahalal sa konseho? Paano ang mga posisyon na walang tumakbo, gaya na lang ng “CDC representative to the USC”?
MAGBUO: Kasi, hindi lang ‘to sa CDC, pero sa university level meroon na talagang kakulangan sa pagpapatakbo o sa pagkakakalap ng mga patakbo each election talaga dahil na rin ‘to dun sa kinakaharap nga natin na kung…halimbawa ako isa akong estudyante, parang mas ilaan ko yung oras ko sa… dahil nga sobrang burdened ka na ng academic loads, na hindi naman siya makatao, ay mas mailalaan kung ‘yung oras ko sa kung ano ba yung kumbaga kung ano ‘yung dinadanas ko bilang isang estudyante. Ang pagtanaw naman ng SAKBAYAN, dahil nga dadalawa lang kami, ano? Winewelcome natin ‘yung idea ng lahat kumbaga, all, kumbaga, lahat ng may kagustuhan sa pagtakbo, kagustuhan na maglingkod ay welcome naman na maging kabahagi ng partido pero at the same time inirerespeto natin ‘yung karapatan na magfile ng mga anong tawag dito? Ng mga independent candidates na hindi na para hindi natin siya irecognize na someone na makakatrabaho natin at magiging bahagi ng konseho kasi hindi naman porke hindi sila sa ilalim ng SAKBAYAN ay hindi naman ibig sabihin n’on na kaiba na sila ng panawagang bitbit. It’s just meroon lang talagang… meroon tayong dinaranas talaga ngayon na kakulangan ng patakbo ng mga hindi lang sa local college but sa univ-wide level and isa d’on ‘yun at ‘yun ‘yung mismong, kumabaga… ‘yun ‘yung epekto n’on kaya iisa ‘yung konsehal natin at kung meroon mang tummatakbo ng college representative ay independent candidate siya. [puwang] Tsaka, siguro ano rin isa rin na magandang tingnan ay minsan din kasi ‘yung bilang ng tao na ‘yun, halimbawa, dahil nga iisa lang ‘yung konsehal na tatakbo as long naman as meroong… andoon ‘yung kagustuhan na maglingkod ‘yun ‘yung winewelcome ng partido, kumbaga.
Pindutin ito para bumalik sa mga tanong.
TANGLAW: Kung sakaling kayo ay hindi palarin, paano kayo magsisilbing watchdog ng mauupong partido?
MAGBUO: ‘Yung SAKBAYAN hindi lang naman siya isang partido na nagiging aktibo tuwing election, like, yung SAKBAYAN ay isa siyang alyansa ng mga organisasyon, sorrority, fraternity na talagang election man o hindi ay aktibo sa pakikibahagi sa student movement sa loob at labas man ng pamantasan. So kung, hindi man kami palarin na maluklok sa pwesto ay mananatili naman hindi… kami bilang indibidwal at ang partido naman syempre bilang aktibong kabahagi at syempre aktibong constituents noong kung sino mang maluluklok dahil unang una naman maluklok ka o hindi meroon kang…meron kang responsibilidad na… meron kang social responsibility to actively participate in the community that you belong to in which. In this case ay sa CDC so isa doon ay ‘yung syempre ‘yung pagpapaabot ng suhestyon, pagpupuna o kung meroon mang mga inisyatibo na sa tingin natin ay maaaring magawa ng kasalukuyang administrasyon na hindi naman porke hindi ka nanalo ay hindi ka na…parang hindi naman dapat tinitingnan ‘yung posisyon bilang titulo na ito lang siya lang ‘yung makakagawa ng ganito, ganyan dahil tandaan natin na itong mga tao sa posisyon na ito ang binibitbit naman nilang kampanya. Ang binibitbit nilang panawagan ay galing sa constituents at kung sa lagay na kami ay hindi papalarin, kami ay magiging constituents nila at kung magkakaroon man kami ng suhestiyon, kritisismo o kung ano man ay dapat…dapat ay mayroon kaming laya na ipaabot ito sa kanila. At the same time, meroon silang responsibilidad na tumugon din sa…hindi lang sa amin but sa kung sino mang constituent na magraraise noon kasi ayun nga ‘yung pagiging isang bahagi ng konseho ay pagbibitbit hindi ng pangalan mo o ng partido, but rather ng kampanyang masa at syempre ‘yung kampanya na bitbit ng estudyante sa ating lokal na kolehiyo.
#
Tanglaw 