Tungkol sa Tanglaw

Tayo ay nahaharap sa isang panahon kung saan lantaran ang nangyayaring pagsisinungaling at pagpapakalat ng disimpormasyon. Lalong humahagupit ang impunidad at pamamasista sa iba’t ibang aspeto ng ating lipunan, lalo na sa mga nangangahas na tumindig at lumaban para sa mga batayang karapatan ng mamamayan. Kasabay nito, mayroong pangangailangan sa isang pahayagang maaasahan hindi lamang sa pagbabalita, kundi sa pagbibigay-linaw sa konteksto sa likod nito.

Sa ganitong konteksto binubuksan ang Tanglaw — ang kauna-unahang pahayagang pangkolehiyo sa Unibersidad ng Pilipinas Los Baños, mula sa mga mag-aaral ng kauna-unahang kolehiyo ng komunikasyong pangkaunlaran sa buong Asya.

Ito ay isang makabagong pahayagan, na angkop sa sinasabing pagiging purposive, value-laden at makamasang tasa ng ating larangan. Layunin nito ang maging bulwagan ng mga balita at istoryang nagpapaliwanag ng mga kaganapang mahahalaga, at ang pagpapalitaw ng isang mapagpalayang pagtingin sa mga problemang bumabagabag sa ating lipunan.

Ang aming panata

Magiging maaasahang tagapagbalita ang Tanglaw ng mga kaganapan sa loob at labas ng ating kolehiyo. Ang bawat istorya ay titingnan mula sa pananaw ng isang Devcom reader.
Ipapaliwanag at papalalimin ng Tanglaw ang kaugnayan ng mga napapanahong balita at isyu sa mga pinag-uugatan nitong salik.
Patuloy na panghahawakan ng Tanglaw ang matagal nang pagpapahalaga ng alternatibong media sa isang kritikal na pagtindig sa mga isyu.
Bilang isang pahayagan, dadalhin ng Tanglaw ang ilang mga isyung malapit sa mga mambabasa nito sa pamamagitan ng isang agresibong pagtutok at pangangalampag.
Nais ng Tanglaw na maging isang babasahing hindi sasayangin ang oras ng mga mambabasa.

Polisiyang editoryal

Dito sa Tanglaw ay pinahahalagahan namin ang wastong impormasyon sa aming mga istorya. Kung ikaw ay may nais linawin sa anuman sa aming mga nailathala, magpadala ng email sa cdcstudentnewspaper@gmail.com. Ilagay ang subject na [Pagwawasto] at asahan ang aming agarang pagtugon.

Ang anumang opinyon ng mga Tanglaw columnists, reporters, at editors na inilathala ng pahayagan ay pinanghahawakan lamang ng sumulat, at hindi nito sinasalamin ang opinyon ng kolehiyo, student organizations, at iba pang institusyon sa UPLB CDC.

Editorial Board

Ang Tanglaw Editorial Board ang bumubuo ng polisiyang editoryal ng pahayagan at nagpapanatili ng kritikal, militante, at progresibo nitong pagtingin sa mga isyung panlipunan.

Jian Martin Tenorio

Editor in Chief

Bago maging ikatlong editor in chief ng Tanglaw, nagsilbi si Jian (BSDC Batch ‘22) bilang Political Reporter, Human Rights Reporter, OIC Associate Managing Editor for Longform Reporting, at OIC Managing Editor ng pahayagan. Tangan-tangan din niya ang mga karanasan sa ilang media outfits tulad ng Bulatlat, DZLB News, at Rappler MovePH.

Prince Luke Cerdenia

Managing Editor

Si Luke (ASDC Batch ’24) ay naging Opinyon apprentice bago maging Managing Editor, na siyang nangangasiwa sa iba’t ibang aspeto ng publikasyon. Baon niya ang malawak na karanasan sa pamamahayag—mula sa pagiging patnugot sa mga pahayagang panghayskul hanggang sa pagiging correspondent sa Southern Tagalog Exposure mula noong pagpasok niya sa Unibersidad.

Department Editors

Mervin Delos Reyes

Associate Managing Editor for Shortform Reporting

Sa kanyang pagpasok sa pahayagan noong ikalawang taon nito, unang nagsilbi si Mervin (BSDC Batch ‘22) bilang staffer ng Balita section. Kalaunan, siya ay naging Breaking News Editor sa sumunod na taon, dala-dala ang mga karanasang baon mula sa mabilisang pagsusulat ng mga balitang kumpleto’t may konteksto.

Jayvee Mhar Viloria

Associate Managing Editor for Longform Reporting

Bitbit ang mahigit isang dekadang karanasan sa pangkampus na pamamahayag, nagsimula si Jayvee sa Tanglaw noong 2023 bilang News Reporter na kalaunan ay naging Political Reporter. Bago maging Associate Managing Editor for Longform Reporting ngayong taon, nagsilbi muna siya bilang OIC News Editor ng pahayagan sa loob ng maiksing panahon at pagkatapos ay naging kauna-unahan at kaisa-isang Special Projects Staffer noong nakaraang semestre. Sa labas ng Unibersidad, naging bahagi rin si Jayvee ng Rappler bilang intern.

Chynna Chavez

Associate Managing Editor for Opinion

Si Chynna (BSDC Batch ’24) ay nagsimula bilang Opinion apprentice bago maging Associate Managing Editor for Opinion. Tinitiyak niya na ang bawat kolum na lumalabas mula sa pahayagan ay nakabatay sa kritikal na pagsusuri sa mga isyung panlipunan. Siya rin ang nangangasiwa sa mga isinusumiteng sanaysay para sa seksyong First Person.

Dianne Kirsten Barquilla

Associate Managing Editor for Media Resources

Si Dia (BSDC Batch ’22) ay nagsimula bilang staffer ng Layout Section ng Media Resources Department noong 2023 bago itinalagang Layout Editor at kalaunan ay Associate Managing Editor for Media Resources ngayong taon. Kasabay ng pamamahala sa departamento, patuloy din siyang nagbibigay-ambag sa pagbuo at pagsasa-ayos ng layout na kaakibat ng mga artikulong inilalathala ng pahayagan, kabilang na sa print issue nito.

Franz Ferdinand Llagas

Associate Managing Editor for Special Projects

Mula sa karanasan sa pahayagang pantelebisyon at social media sa loob at labas ng kampus, kasalukuyang pinangungunahan ni Franz (BSDC Batch ’24) bilang Associate Managing Editor ang Special Projects Department, na siyang nag-uulat at nagsasaayos ng video releases ng Tanglaw.

Kim Rembrant Malaluan

Associate Managing Editor for Distribution

Mula sa pagiging apprentice, ngayon ay tiinitiyak ni Maki (BSDC Batch ’22) ang maayos na pangangasiwa ng online at print distribution ng Tanglaw. Siya rin ang nangangasiwa sa social media analytics ng pahayagan, buhat ng kaniyang karanasan sa iba’t ibang organisasyon sa UPLB.

Paolo Miguel Alpay

Associate Managing Editor for Internal Affairs

Nagsimula bilang kolumnista, si Paolo (BSDC Batch ’21) ay kilala para sa kaniyang mga kontribusyon sa pagsusulat ng Opinyon para sa Tanglaw. Kasalukuyang inilipat sa Internal Affairs, nais nitong payabungin pa ang relasyon at pamamalakad ng mga miyembro ng Tanglaw.

Ian Carlson Panuelos

Associate Managing Editor for External Affairs

Tangan ang kaniyang karanasan bilang dating staffer ng External Affairs Department ng pahayagan, tungkulin ni Ian (BSDC Batch ’22) ang bukas na komunikasyon ng Tanglaw sa mga mambabasa at ang pakikipagtulungan sa mga UPLB student organization at formation.

Section Editors

Leonard Magadia

News Editor

Nagsimulang magsulat si Leonard (BSDC Batch ‘24) ng mga news analysis at balita sa Tanglaw bilang News apprentice sa kaniyang unang taon sa Unibersidad. Sa sumunod na termino, siya na ang nagsilbing News Editor ng pahayagan. Bitbit ang mga karanasang ito, handa si Leonard na patuloy na maghatid ng balita tungo sa higit na nagliliwanag at mapagpalayang pamamahayag.

Arianne Joy De Torres

Breaking News Editor

Nagsimula si Arianne (BSDC Batch ‘22) bilang apprentice ng Balita bago maging ganap na Breaking News Editor ng pahayagan. Mula nang maging campus journalist noong 2013, sa pagsusulat ng balita na siya nakatutok.

Lourain Anne Suarez

Features Editor

Nagsimula si Lourain (BSDC Batch ’22) magsulat ng lathalain para sa Tanglaw noong 2023. Malaking batayan sa paglago ni Lourain sa pagsusulat ng mga lathalain ang mga patuloy na krisis na kinahaharap hindi lamang ng unibersidad, kundi ng TImog Katagalugan, ng bansa.

Maryrose Alingasa

Sports Editor

Si Mary (BSDC Batch ‘21) ay nagsimula bilang Sports staffer ng Tanglaw noong 2023. Sa ikaapat na taon ng pahayagan, siya ay kasalukuyang nagsisilbi bilang Sports Editor. Sandigan ang karanasan sa pagsulat ng mga balitang isports mula pa noong 2019, ipagpapatuloy niya ang pamamahayag ng mga natatanging karanasan ng mga atleta at kuwentong isports sa loob ng unibersidad at mga karatig komunidad nito.

Karylle Payas

Photos Editor

Si Kaye (BSDC Batch ’22) ay namulat sa larangan ng photojournalism sa kaniyang pagsisimula bilang isang Photos staffer sa publikasyon noong 2023. Bitbit ang kaalaman at dedikasyon sa masining na pagpapahayag ng kwento, nagpatuloy siya ngayong taon bilang Photos Editor ng Tanglaw.

Maria Regiena Gubatan

Layout Editor

Nagsimula si Reg (BSDC Batch ‘24) bilang Tanglaw apprentice at Layout staffer bago naging Layout Editor noong nakaraang semestre. Sa ilalim ng kanyang paggabay sa seksyon, naisasaayos ang lahat ng publication materials na kaakibat ng mga artikulong inilalathala ng pahayagan.

Clarence Ilao

Graphics Editor

Si Clarence (ASDC Batch ’24) ay nagsimula bilang apprentice at kalauna’y naging Graphics Editor ng Tanglaw. Sa kanyang mga likha, layunin niyang maghatid ng mga obrang kritikal na nagbibigay-buhay at nagpapalalim sa mga isyung panlipunan.

Ellyzah Janelle Devilleres

Finance Manager, OIC Associate Managing Editor for Internal Affairs

Nagsimula si Yza (BSDC Batch ‘22) bilang Photos staffer noong 2023 at kalaunan ay naging Special Projects Editor (2023) at Associate Managing Editor for Media Resources (2024). Ngayong ikatlong taon niya sa Tanglaw, muli siyang maninilbihan bilang Finance Manager na naglalayong pangalagaan ang pera ng pahayagan at tumulong sa pagpapatuloy ng paglalayag ng publikasyon.

Angelina Mendoza

Partnerships Manager

Nagsimula si Anj (BSDC Batch ‘24) sa Tanglaw bilang External Affairs apprentice at kalaunan ay naging Partnerships Manager. Siya ay katuwang sa pakikipag-ugnayan sa mga organisasyong lumalapit sa pahayagan at pangunahing nangangasiwa ng mga media partnership.

Editorial Staffers

Balita

Reporter: Neil Gabrielle Calanog (dating Photos Editor)

Lathalain

Reporters: Reign Faith Arwen Bas (kasalukuyang OIC Features Editor), Hannah Pauline Fernandez, Aleli Bacolod, Neil Andrew Tallayo (dating Managing Editor at Associate Managing Editor for Longform Reporting)

Opinyon

Columnists: Dave Sy, Angelleanne Marfa, Emernagil Constantino

Media Resources

Photojournalists: Jhyanne Rae Almenanza, Kzuzvan Kay Casabal, Zy Nabiula, Lance Armand Estacio
Layout Artists: Cathryn Julianne Pine, Novah Ruiz, Angela Eunice Umandap, Jannsen Martinez
Graphic Artist: Karl David Encelan (dating Graphics Editor)

Special Projects

Staff: Sean Angelo Guevarra, Juliana Anishka Cassandra Alcoriza, Jana Ellaine Cosico. Europhia Anne Monforte, Jerich Anthony Estilles, Dan Alexander Abas (dating Associate Managing Editor for Special Projects at Associate Managing Editor for Media Resources), Kyla Balatbat

Distribution
Staff: Christian Tuazon

Internal Affairs
Staff: Laurice Marianne Gomez (kasalukuyang OIC Finance Manager), Kaye Althea Capiña, Jerome De Jesus (dating Associate Managing Editor for Internal Affairs)

External Affairs
Staff: Aliah Yzabel Ombania (dating Associate Managing Editor for Distribution), Marius Cristan Pader (dating Associate Managing Editor for External Affairs)

Kasapian

Kasapi ang Tanglaw ng UP Systemwide Alliance of Student Publications and Writers’ Organizations (UP Solidaridad) at ng College Editors’ Guild of the Philippines (CEGP).